Brjálaður kylfingur fékk tveggja ára dóm

Ástralinn Daniel Patrick Betts var dæmdur í tveggja ára skilorðsbundið fangelsi fyrir grófa líkamsárás. Betts missti stjórn á skapi sínu við það að leika golf með félögum sínum árið 2009.

 

Eftir hrikalegt upphafshögg kastaði hann kylfunni í Dane Parvianen, félaga sinn, sem hann var með í holli.

Kylfan fór beint í höfuð Parvianen og er félaginn nú nánast mállaus, getur ekki skrifað - já hvað þá stundað íþróttina sem hann elskaði svo mjög, golfið.

Betts játaði allar sakir.