Veiði

108 sm landað í Vatnsdalsá

Karl Lúðvíksson skrifar
Laxinn sem veiðimaður setti í við Hólakvörn var aldeilis ekki gamall lurkur úr vorgöngum heldur spikfeitur, nýrunnin og sjálfsagt með saltbragð í munni. Það eina sem var ekki sjáanlegt, og gefur til kynna nýrunnin lax úr sjó, var lúsin.

Það tók um hálftíma að landa þessum höfðingja. Eins og sést á samanburðar myndinni, þar sem tvíhendan er lög til hliðar þessum stórlaxi og virkar sem silungastöng í samanburði, er þetta þvílík skepna !

Einn af veiðimönnunum í hollini 3. til 6. september setti í 3 stórlaxa og missti þá alla ! Einn af heimalingunum horfði á seinustu átökin hjá þessum veiðimanni í Hnausastreng. Þegar vanur maður eins og þessi lyftir öxlum þegar undirlínan er öll komin út og spyr um leið, „Hvað á ég núna að gera??“, er svarið afar einfalt: „Bíddu eftir að hann losi sig og settu bremsuna svo strax í botn næst þegar þú setur í álíka fisk.“

Þessi frétt er á vefnum www.vatnsdalsa.is

Stangveiði

Mest lesið




×

Mest lesið