IFS greining spáir óbreyttum stýrivöxtum

Þrátt fyrir að raunstýrivextir séu neikvæðir þá telur IFS greining að Seðlabankinn haldi stýrivöxtum sínum óbreyttum og bíði eftir hagvaxtatölum fyrir annan ársfjórðung.

Í spá greiningarinnar segir að slakinn í þjóðarbúskapnum sé enn mikill, lítið er um fjárfestingar til að auka einkaneyslu og hagvöxtinn og ekki er líklegt að vaxtahækkanir bæti úr því.

Stýrivextir hafa ekki verið mjög bitmiklir undanfarin ár vegna verðtryggingar íslenskra lána og góðs aðgengis að erlendu lánsfé. Nú er aðgengi að erlendu lánsfé ekkert og verðtryggð lán eru í góðum meirihluta íslenskra heimila en óverðtryggð lán færast í aukanna.

Við þetta má bæta að greining Arion banka hefur einnig spáð óbreyttum stýrivöxtum. Næsta vaxtaákvörðun Seðlabankans er 17. ágúst n.k.