Óskiljanleg vaxtaákvörðun

Viðskiptaráð Íslands segir ákvörðun Seðlabankans um að hækka stýrivexti óskiljanlega. Þó ákvörðunin byggi á spám um hækkandi verðbólgu er hún óskiljanleg í ljósi þess að heimili landsins glíma þegar við þungar byrðar, meðal annars vegna nýlegra kjarasamninga og yfirdrifinna skattahækkana.

 

Í fréttatilkynningu Viðskiptaráðs segir aukinheldur að með slakari horfum um hagvöxt sé „sérstaklega erfitt að réttlæta vaxtahækkun", enda samræmist hún illa markmiðum hins opinbera um að auka hagvöxt. Hún sé þar á ofan illskiljanleg vegna þróunar erlendis á síðustu vikum, hvar órói hefur verið mikill og blikur á lofti.

 

„Seðlabankinn hefur glímt við skort á trúverðugleika vegna forsögu bankans síðustu ár," segir í fréttatilkynningunni, en aðgerðir hans til að bæta ímynd sína mega ekki vera á „kostnað endurreisnar hagkerfisins."