Skuldatryggingaálag Íslands rýkur upp að nýju

Skuldatryggingaálag Íslands hefur rokið upp að nýju á síðustu tveimur dögum. Álagið mælist nú 297 punktar samkvæmt CMA og Bloomberg fréttaveitunni og birt er á vefsíðunni keldan.is.

Fyrir helgina stóð skuldatryggingaálagið á Ísland í rúmum 240 punktum og fyrir tveimur mánuðum stóð álagið í sléttum 200 punktum.

Þessi hækkun á álagi Íslands er í samræmi við stöðuna á mörkuðum þessa stundina en skuldatryggingaálög flestra þjóða beggja megin við Atlantshafið hafa hækkað töluvert eftir því sem hrapið á fjármálamörkuðum heimsins verður meira.