243 laxar komnir á land í Selá

Ein af þeim ám sem er að koma öllum á óvart þessa dagana er Selá í Vopnafirði.  Á góðu ári hefur áin verið að skila rétt yfir hundrað löxum fyrstu tvær vikurnar en núna eru laxarnir orðnir 243!  Það er frábær veiði þegar við tökum það inní myndina að aðeins er veitt á 4 stangir á þessum tíma.

Það er þess vegna ekki svartsýni í gangi fyrir norðan, þvert á móti.  Þrátt fyrir að aðstæður til veiða hafi verið erfiðar eru góðar göngur í ánna.  Það verður því spennandi að sjá hvernig veiðin þróast í Selá þegar stærstu göngurnar mæta í ánna.