Norðurá efst með 810 laxa

Á vef LV www.angling.is  má sjá nýjar uppfærðar veiðitölur úr ám landsins.  Þar er Norðurá efst á listanum með 810 laxa sem er í alla staði prýðisgóð veiði.  Blanda er í öðru sæti komin með 569 laxa og veiðin þar síðustu daga hefur verið góð og er að glæðast mikið á efri svæðunum.

Annars eru næstu ár sem hér segir: Þverá/Kjarrá með 466 laxa, Selá er komin í 323 laxa sem er frábær veiði svona snemmsumars í henni, Elliðaárnar í 317, Miðfjarðará með 285 laxa sem er minna en í fyrra.  Veiðin fer hægar af stað en síðustu ár en það ætti engin að örvænta enda er besti tíminn eftir og stórstraumur þann 16. júlí.

Næstu ár á listanum eru Haffjarðará með 265 laxa, Langá með 255 laxa, Laxá í Aðaldal með 213 laxa, Grímsá með 165, Breiðdalsá er komin í 162 sem er frábært í þessari á.  Menn eru farnir að veðja á að hún fari jafnvel vel yfir 1000 laxa þetta árið ef byrjunin segir eitthvað til um framhaldið því besti tíminn í henni hefur alltaf verið síðsumarið.

Annars eru Laxá í Kjós og Bugða í 155 löxum, Ytri Rangá í 155, Eystri í 112, Hofsá í 102, Flóka í 100 og Laxá í Leirársveit í 100Laxá í Kjós 155, Ytri Rangá/Hólsá vesturbakki 155, Eystri Rangá 112, Hofsá 102, Flóka 100 og Laxá í Leirársveit 100.

Sjá má fleiri tölur á www.angling.is