Reginn selur Mýrargötu 26

Reginn ehf., dótturfélag Landsbankans, hefur undirritað kaupsamning við Atafl ehf. vegna sölu á Mýrargötu 26 í Reykjavík.

Í frétt á vefsíðu Reginn segir að Atafl hyggist aðlaga bygginguna að breyttum markaðsaðstæðum þar sem fyrirhuguðum lúxusíbúðum verður fækkað og í staðinn koma hefðbundnari íbúðir fyrir almenna kaupendur.

Breytingar á hönnun hússins hafa verið í undirbúningi með arkitektum. Nú fer þessi vinna á fullt og markmiðið er að geta hafið vinnu við framkvæmdir á þessu ári og er áætlað að verktíminn verði um 2 ár.

Reikna má með að þegar framkvæmdir verða komnar á fullt skrið að þá starfi yfir 50 manns að jafnaði við verkið.