Fjórar hópuppsagnir í maí kosta 81 vinnuna

Vinnumálastofnun bárust 4 tilkynningar um hópuppsagnir í maí síðastliðnum. Um er að ræða tilkynningu um uppsagnir í mannvirkjagerð, hugbúnaðargerð, upplýsingastarfsemi og sjávarútvegi. Heildarfjöldi þeirra sem sagt er upp er 81 manns.

Þetta kemur fram á vefsíðu Vinnumálastofnunnar. Þar segir að þeir starfsmenn, sem sagt hefur verið upp, koma til með að missa vinnuna aðallega í september 2011. Ástæður uppsagnanna eru sagðar endurskipulagning, rekstrarerfiðleikar og hráefnisskortur.

Alls hafa Vinnumálastofnun borist tilkynningar um uppsagnir 377 manns í hópuppsögnum á árinu 2011, mest í mannvirkjagerð eða 160 manns.