Kortavelta eykst töluvert á milli ára

Kreditkortavelta heimila jókst um 7,4% í janúar–apríl í ár miðað við janúar–apríl í fyrra. Debetkortavelta jókst um 1,6% á sama tíma. Samtals jókst greiðslukortavelta heimila í janúar–apríl í ár um 4,7% miðað við janúar–apríl í fyrra.

Þetta kemur fram í hagvísum Hagstofunnar. Þar segir að greiðslukortavelta Íslendinga erlendis jókst um 21,7% en erlend greiðslukortavelta hérlendis dróst saman um 9,1% í janúar–apríl 2011 miðað við sömu mánuði árið áður.

Vísitala neysluverðs án húsnæðis hækkaði um 2,4% (miðað við vísitöluna í janúar–apríl) sem veldur 2,25% raunhækkun á innlendri greiðslukortaveltu.