Aðalsteinn Leifsson formaður stjórnar FME

Aðalsteinn Leifsson, lektor, hefur tekið við sem nýr formaður stjórnar Fjármálaeftirlitsins (FME) og Ingibjörg Þorsteinsdóttir, dósent, hefur tekið við sem varaformaður. Arnór Sighvatsson, aðstoðarseðlabankastjóri, situr áfram í stjórn Fjármálaeftirlitsins.

Greint er frá þessu á vefsíðu FME. Þar segir að þau Aðalsteinn og Ingibjörg koma í stað Lilju Ólafsdóttur, hdl, sem var formaður stjórnar og Kristínar Haraldsdóttur, lögfræðings, LLM, sem var varformaður stjórnar.

Varamenn í stjórn Fjármálaeftirlitsins eru sem áður þeir Halldór S. Magnússon, framkvæmdastjóri, Sigurður Þórðarson, endurskoðandi og Tryggvi Pálsson, framkvæmdastjóri, tilnefndur af Seðlabanka Íslands.