Tveir nýir starfsmenn til liðs við Gekon

Tveir nýir starfsmenn hafa verið ráðnir til ráðgjafafyrirtækisins Gekon að undanförnu, en fyrirtækið vinnur að kortlagningu á svonefndum jarðhitaklasa hér á landi og greiningu tækifæra sem tengjast honum. Starfsmennirnir eru Friðfinnur Hermannsson rekstrarhagfræðingur og Rósbjörg Jónsdóttir MBA.

Gekon hefur m.a. unnið með Michael Porter, prófessor í viðskiptafræðum við Harvard og einum virtasta fræðimanni heims á sviði stefnumótunar. Samstarfsaðilar Gekon hér á landi eru einnig fjölmörg fyrirtæki og stofnanir.

Friðfinnur lauk viðskiptafræðiprófi (Cand.Oecon) af endur-skoðunarsviði frá Háskóla Íslands árið 1989 og tók MSc í stjórnun og lýðheilsu (EMPH) frá Háskólanum í Reykjavík árið 2010. Friðfinnur var framkvæmdastjóri Heilbrigðisstofnunar Þingeyinga á árunum 1994-2007. Hann starfaði á stefnu-mótunarsviði Capacent frá 2007-2011.

Rósbjörg Jónsdóttir stundaði nám við Albert Ludwig háskólann í Freiburg og lauk BA próf í þýsku frá Háskóla Íslands 1993. Hún lauk þaðan MBA prófi árið 2002. Rósbjörg starfaði hjá Samvinnuferðum Landsýn, innanlandsdeild 1995-2000 og Ferðamálaráði Íslands á árunum 2000-2005 þar sem hún var í forsvari fyrir Ráðstefnuskrifstofu Íslands. Frá 2005-2010 var Rósbjörg markaðsstjóri hjá Hótel Holti.

Starfsmenn Gekon voru í upphafi tveir, Hákon Gunnarsson rekstrarhagfræðingur, stofnandi Gekon, og Þóra Margrét Þorgeirsdóttir, viðskiptalögfræðingur.