Orkuveitan fær 11,3 milljarða frá borginni

Reykjavíkurborg mun lána Orkuveitunni 11,3 milljarða króna til þess að rétta af fjárhag fyrirtækisins. Þetta var samþykkt á borgarráðsfundi í dag en borgarstjóri lagði tillöguna fram. Bróðurpartur lánsins verður greiddur út þann 1. apríl næstkomandi eða 7,4 milljarðar en eftirstöðvarnar á fyrri hluta árs 2013.

Þá herma heimildir Vísis að sala allra eigna Orkuveitunnar utan kjarnastarfsemi verði undibúin enda sé lánið frá borginni háð því skilyrði. Einnig kemur til greina að borgin kaupi hús Orkuveitunnar og leigi henni til baka.