Skýrr samdi við Norðurál

Norðurál hefur undirritað samning við Skýrr um þróun á nýju skráningar- og áætlunarkerfi fyrir alla framleiðslu  Norðuráls. Skýrr mun afhenda kerfið til Norðuráls haustið 2012.

Gestur G. Gestsson, forstjóri Skýrr, segir í tilkynningu að félagið hafi gegnum árin hannað og unnið flókin upplýsingakerfi þar sem reynt hafi á nýjustu tækni og hugvit. Norðurál sé framsækinn notandi upplýsingatækni, sem geri miklar kröfur til sinna birgja. Því sé tilhlökkunarefni að takast á við þetta spennandi þróunarverkefni.

„Við þróun kerfisins nýtir Skýrr sér þekkingu sem byggst hefur upp hjá fyrirtækinu gegnum árin, en það hefur unnið ýmis verkefni á þessu sviði fyrir álver og iðnfyrirtæki," segir Ragnar Guðmundsson, forstjóri Norðuráls.