Arion banki yfirtekur hluta af starfsemi BM Vallá

Í tilkynniingu segir að með kaupunum er áframhaldandi starfsemi fyrirtækisins tryggð. Fjöldi starfsmanna heldur störfum sínum og óvissu um stórframkvæmdir er eytt. Þessar framkvæmdir eru t.d. við tónlistar- og ráðstefnuhúsið Hörpu og Bolungarvíkur- og Héðinsfjarðargöng, en fjöldi starfa tengist þessum verkefnum.

Hjá BM Vallá störfuðu 200 manns og mikilvægt var að leita allra leiða til þess að starfsemi félagsins héldi áfram.

Starfsemi BM Vallár á höfuðborgarsvæðinu og á Akranesi er nú tímabundið í eigu Arion banka, auk færanlegrar steypustöðvar. Bankinn stefnir að því að selja fyrirtækið sem allra fyrst.