Engar afskriftir hjá Róberti Wessman

Róbert Wessman segir að engin lán Glitnis til hans verði afskrifuð, allar lánveitingar bankans til hans verði gerðar upp og hann hafi ekkert að fela.

Stöð 2 fjallaði um skuldamál Róbert Wessman í kvöld. Þar kom fram að Róbert væri með 22 milljarða króna útistandandi lán hjá Glitni banka og að stærsti hluti lánsins væri að öllum líkindum glatað fé.

Í tilefni af þeim fréttum hefur Róbert sent frá sér eftirfarandi yfirlýsingu:

„Ég hef átt í viðskiptum við Glitni undanfarin ár vegna minna fjárfestinga og vinn nú að uppgjöri við bankann. Væntanlegt uppgjör felur ekki í sér neinar afskriftir á skuldum og mikilvægt er að halda því til haga. Skuldir mínar við Glitni eru að stórum hluta tilkomnar vegna fjárfestinga minna í hlutabréfum í bankanum sjálfum auka annarra fjárfestinga þar sem ég haf lagt til umtalsverða fjármuni og eignir til tryggingar sem nú renna inn í uppgjörið."