Krónan ætti að geta styrkst gagnvart evrunni

Þetta kemur fram í Markaðsfréttum Íslenskra verðbréfa. Þar segir að einnig virðist sem svo að Icesave málið sé að þróast í hagstæða átt, en neikvæð áhrif þess á íslenskt hagkerfi hafa verði mun minni en margir óttuðust.

Krónan styrktist í síðustu viku og lækkaði gengisvísitalan um 0,86% samkvæmt opinberu viðmiðunargengi Seðabankans og endaði í 231,27 stigum. Krónan hefur lítillega gefið eftir í þessari viku og stendur vísitalan nú í 232,20 stigum.

Óvissa um þróun mála í Evrópu vegna slæmrar stöðu einstakra ríkja á borð við Grikkland, Portúgal og Írland hefur grafið undan evrunni. Frá áramótum hefur verðgildi evru gagnvart krónu lækkað um 2%, en á sama tíma hefur dollar styrkst um 3% gagnvart krónu.

Gengisvísitalan hefur hins vegar aðeins lækkað um 0,67% frá áramótum.