Viðskipti innlent

Þrír erlendir aðilar fá að bjóða áfram í Sjóvá

Fyrirtækjaráðgjöf Íslandsbanka hf. hefur borist 12 óskuldbindandi tilboð í hlutafé Sjóvár Almennra trygginga hf. Í flestum tilvikum er boðið í allt hlutafé félagsins. Þar af voru þrír erlendir aðilar og fá Þeir allir að taka þátt í áframhaldandi söluferli.

Í tilkynningu segir að tilboðin voru opnuð þriðjudaginn 2. febrúar kl. 14.00 í viðurvist Sigurðar Páls Haukssonar, löggilts endurskoðenda, sem var tilnefndur sem óháður matsaðili.

Þeim sex tilboðsgjöfum sem áttu hæstu óskuldbindandi tilboðin, sem jafnframt teljast hafa fullnægjandi fjárhagslega burði, verður gefinn kostur á áframhaldandi þátttöku í söluferlinu og veittur aðgangur að nánari upplýsingum um starfsemi og fjárhag fyrirtækisins.

Af þeim sex sem boðin verður áframhaldandi þátttaka í ferlinu eru þrír erlendir aðilar. Tilboðum með fyrirvara um áreiðanleikakönnun ber að skila í síðasta lagi 22. febrúar 2010.





Mest lesið


Fleiri fréttir

Sjá meira


×

Mest lesið