Bréf til biskups Jón Sigurður Eyjólfsson skrifar 1. september 2010 06:00 Þegar ég var ungur vann ég í tvö sumur í sumarskóla einum fyrir einhverf börn. Hófst sá stutti starfsferill brösuglega en samstarfsmönnum mínum þótti ég eiga erfitt með að kenna krökkunum góðar umgengnisreglur. Svo keyrði um þverbak þegar kollegar mínir sáu sig nauðbeygða til að kenna mér sjálfum eitt og annað um umgengni. Mér var umhugað um að krakkarnir fengju að reyna sig í íþróttum og leikjum sem mest þeir máttu. Þær áherslur mættu síðan nokkurri andstöðu hjá samstarfsmönnum og yfirmanni eftir að það varð að tæma eina almenningssundlaug eftir stutta veru okkar þar. Ég undi því hag mínum illa og var eins og hálfdrættingur í starfsliðinu. Þá kemur þar um mitt sumar ný forstöðukona. Fylgdist hún grannt með í byrjun en gerði síðan breytingar á starfseminni með það fyrir augum að nýta áhugasvið hvers starfsmanns. Einnig leysti hún upp ýmsan óþarfa ávana í starfsliðinu sem hreiðra vill um sig í hugsunarleysinu. Fékk ég þá þann starfa að auka eftir fremsta megni íþróttaástundun og félagslíf krakkanna. Óhappið úr sundlauginni varð ekki til að draga úr þeirri kröfu nýju forstöðukonunnar og varð það guðspjall hvers dags hjá mér eftir það að ryðja úr vegi þeim hindrunum sem verða á vegi einhverfs barns sem iðka vill íþróttir og tómstundir. Fram að þessu hafði ég ekki fundið annan tilgang með lífinu en þann að fara í bæinn um helgar, gutla á gítar og reykja Lucky Strike. Með þessari nýju ábyrgð fór hins vegar að örla á lífsgleði og þá teygðist úr tilganginum. Á sömu lund fór með aðra starfsmenn og sumarskólinn tók miklum stakkaskiptum. Nokkrum árum síðar fór þessi kona, hún Pála, á þinn fund. Erindið var ólíkt því sem hún átti við okkur í sumarskólanum, og þó. Rétt eins og þar ætlaði hún að láta á dyggð ykkar reyna svo að því sem þrifist hafði á þínum „vinnustað" yrði endanlega úthýst. Erindi mitt með þessu bréfi er að hvetja þig til að taka Pálu eins og engli, engill þýðir einmitt sendiboði á grísku, og vittu hvort ekki fari fyrir þjóðkirkjunni eins og sumarskólanum í denn. E.s. Um haustið var ég búinn að læra að ganga almennilega um. Viltu birta grein á Vísi? Sendu okkur póst. Senda grein Jón Sigurður Eyjólfsson Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Eru samfélagsmiðlar að setja heilbrigðiskerfi framtíðarinnar á hausinn? Guðrún Nanna Egilsdóttir,Dögg Guðmundsdóttir Skoðun Við lok grunnskólans Atli Björnsson Skoðun Halldór 08.06.2024 Halldór Heppni að ekkert fordæmi var til staðar Hjörtur J. Guðmundsson Skoðun Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Upplifun mín á því að taka þátt í Gefum íslensku séns Brynjar Björnsson Skoðun Í skugga sílóa og sandryks Hólmfríður Jennýjar Árnadóttir Skoðun Afstaða fólks með fötlun til dánaraðstoðar Ingrid Kuhlman Skoðun Fyrsta borgaraþing Reykjavíkur Dóra Björt Guðjónsdóttir Skoðun Atvinnulaus leikskólakennari, það er víst til Tinna Berg Damayanthi Rúnarsdóttir Skoðun
Þegar ég var ungur vann ég í tvö sumur í sumarskóla einum fyrir einhverf börn. Hófst sá stutti starfsferill brösuglega en samstarfsmönnum mínum þótti ég eiga erfitt með að kenna krökkunum góðar umgengnisreglur. Svo keyrði um þverbak þegar kollegar mínir sáu sig nauðbeygða til að kenna mér sjálfum eitt og annað um umgengni. Mér var umhugað um að krakkarnir fengju að reyna sig í íþróttum og leikjum sem mest þeir máttu. Þær áherslur mættu síðan nokkurri andstöðu hjá samstarfsmönnum og yfirmanni eftir að það varð að tæma eina almenningssundlaug eftir stutta veru okkar þar. Ég undi því hag mínum illa og var eins og hálfdrættingur í starfsliðinu. Þá kemur þar um mitt sumar ný forstöðukona. Fylgdist hún grannt með í byrjun en gerði síðan breytingar á starfseminni með það fyrir augum að nýta áhugasvið hvers starfsmanns. Einnig leysti hún upp ýmsan óþarfa ávana í starfsliðinu sem hreiðra vill um sig í hugsunarleysinu. Fékk ég þá þann starfa að auka eftir fremsta megni íþróttaástundun og félagslíf krakkanna. Óhappið úr sundlauginni varð ekki til að draga úr þeirri kröfu nýju forstöðukonunnar og varð það guðspjall hvers dags hjá mér eftir það að ryðja úr vegi þeim hindrunum sem verða á vegi einhverfs barns sem iðka vill íþróttir og tómstundir. Fram að þessu hafði ég ekki fundið annan tilgang með lífinu en þann að fara í bæinn um helgar, gutla á gítar og reykja Lucky Strike. Með þessari nýju ábyrgð fór hins vegar að örla á lífsgleði og þá teygðist úr tilganginum. Á sömu lund fór með aðra starfsmenn og sumarskólinn tók miklum stakkaskiptum. Nokkrum árum síðar fór þessi kona, hún Pála, á þinn fund. Erindið var ólíkt því sem hún átti við okkur í sumarskólanum, og þó. Rétt eins og þar ætlaði hún að láta á dyggð ykkar reyna svo að því sem þrifist hafði á þínum „vinnustað" yrði endanlega úthýst. Erindi mitt með þessu bréfi er að hvetja þig til að taka Pálu eins og engli, engill þýðir einmitt sendiboði á grísku, og vittu hvort ekki fari fyrir þjóðkirkjunni eins og sumarskólanum í denn. E.s. Um haustið var ég búinn að læra að ganga almennilega um.
Eru samfélagsmiðlar að setja heilbrigðiskerfi framtíðarinnar á hausinn? Guðrún Nanna Egilsdóttir,Dögg Guðmundsdóttir Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
Eru samfélagsmiðlar að setja heilbrigðiskerfi framtíðarinnar á hausinn? Guðrún Nanna Egilsdóttir,Dögg Guðmundsdóttir Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun