Reykjavík Geothermal semur við alþjóðlegan fjárfestingasjóð

Samhliða þessu lýsti Reykjavík Geothermal því yfir að fyrirtækið myndi stofna nýjar höfuðstöðvar í Masdar borg í Abu Dhabi. Fyrir er Reykjavík Geothermal starfandi á Íslandi, Indlandi, Kenya, Rússlandi, Rwanda og Sameinuðu arabísku furstadæmunum.

Reykjavík Geothermal var stofnað af Guðmundi Þóroddssyni árið 2008 en Guðmundur var áður forstjóri Orkuveitu Reykjavíkur og REI. Það vinnur nú að þróun orkuvinnslu á jarðhitasvæðum víða um heiminn.

Ambata Capital Partners er alþjóðlegur fjárfestingasjóður sem sérhæfir sig í fjármögnun á hreinum og endurnýjanlegum orkugjöfum. Sjóðurinn einbeitir sér að verkefnum í Mið-Ausutrlöndum og Afríku. Forstjóri sjóðsins er Michael Philipp fyrrum forstjóri Evrópudeildar Credit Suisse bankans og fyrrum yfirmaður eignastýringar Deutsche Bank.

Guðmundur Þóroddsson segir í tilkynningu um samstarfið að mikil þekking og fjáröflunargeta Ambata Capital Partners falli vel að alþjóðlegum áætlunum Reykjavík Geothermal, einkum í Mið-Austurlöndum og Afríku.