Viðskipti innlent

H.F. Verðbréf viðurkenndur ráðgjafi í Kauphöllinni

Kauphöllin hefur samþykkt að H.F. Verðbréf verði viðurkenndur ráðgjafi ( Certified Adviser) á First North Iceland. Hlutverk viðurkennds ráðgjafa felst í því að vera til ráðgjafar og aðstoðar fyrirtækjum við skráningu á First North og á meðan bréf þeirra eru í viðskiptum á markaðnum.

"Við bjóðum H.F. Verðbréf velkomin til starfa sem viðurkenndur ráðgjafi á First North Iceland. Það er mikilvægt að fyrirtæki í vexti sem hyggja á skráningu á First North markaðinn geti leitað eftir faglegri ráðgjöf og aðstoð sérðfróðra aðila á borð við H.F. Verðbréfa. Það hjálpar til við að byggja upp hlutabréfamarkaðinn," segir Þórður Friðjónsson, forstjóri Kauphallarinnar í tilkynningu um málið.

Aðkoma viðurkennds ráðgjafa að markaðnum er til þess fallin að byggja traustan markað því það er á ábyrgð hans að fylgjast með því að félög uppfylli ávallt þær aðgangskröfur og upplýsingaskyldur sem gilda á First North.

H.F. Verðbréf er fimmta fjármálafyrirtækið gegnir hlutverki viðurkennds ráðgjafa á First North Iceland.





Mest lesið


Fleiri fréttir

Sjá meira


×

Mest lesið