Fjárfestingastofa Íslands veit ekki af kreppunni

Þá er tekið fram að viðskiptaumhverfinu sé ekki íþyngt með flóknu regluverki né miklum sköttum. Hvað innri byggingu og þjála stjórnun varðar sé Ísland á toppinum í alþjóðlegum stöðlum.

Þeir erlendu fjárfestar sem áhuga hafa á því að kynna sér möguleikana á Íslandi nánar get svo opnað pdf skjal undir heitinu Doing business in Iceland eða Að stunda viðskipti á Íslandi. Vandamálið er bara að þetta skjal var síðast uppfært í febrúar árið 2008.

Hinn áhugasami fjárfestir fær að vita á fyrstu síðum Doing business in Iceland að engar hömlur séu á Íslandi hvað varðar kaup og sölu á gjaldeyri. Nokkuð sem er í hrópandi andstöðu við núverandi gjaldeyrishöft. Margt annað er einnig verulega á skjön við veruleikann í dag eins og til dæmis þar sem fjallað er um skattaumhverfi fyrirtækja og einstaklinga á Íslandi.

Nýlega skrifuðu forráðamenn Fjárfestingarstofu Íslands bréf í Morgunblaðið þar sem þeir kvörtuðu undan því að fá ekki nægilegt fjármagn til þess að kynna þá kosti sem eru í boði á Íslandi fyrir erlenda fjárfesta. Miðað við að þessir menn geta ekki einu sinni uppfært heimasíðu sína virðist eitthvað til í þeim umkvörtunum.