Viðskipti innlent

Færeyjabanki hagnast um tæpa 9 milljarða

Færeyjabanki hefur hagnast um 380 milljónir danskra kr. eða tæpa 9 milljarða kr. á skráningu fiskeldisfélagsins Bakkafrost í kauphöllinni í Osló.

Í tilkynningu um málið segir að Færeyjabanki hafi átt 33,7% eignarhlut í Bakkafrost fyrir skráninguna og að bankinn hafi selt allan þann hlut á 431 milljón danskra kr. Fyrir söluna var andvirði hlutarins skráð á 51 milljón danskra kr. í bókum bankans og er gengishagnaðurinn af sölunni því 380 milljónir danskra kr.

Fram kemur að Færeyjabanki muni borga 18% fjármagnstekjuskatt af gengishagnaðinum. Ennfremur segir að við mat á horfum fyrir rekstur bankans fyrir þetta ár hafi ekki verið gert ráð fyrir sölu á þessum hlut í Bakkafrost.







Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×