Rétt meðhöndlun á jólatré - myndir

Mikil meirihluti heimila landsins eru með „lifandi" jólatré og vilja að þau haldist falleg öll jólin og felli sem minnst barr.

Hann Bjarni í „jólatrésskógi" Blómvals ráðleggur okkur að bleyta jólatréð vel áður en það er tekið inn,m ef þess er kostur, því það gefur meiri barrheldni.

Til þess að tryggja að jólatréð nái að taka til sín vatn er ráðlagt að saga þunna sneið neðan af stofninum, enda þarf oft að rétta stofninn af áður en trénu er stungið í jólatrésfótinn.

Með því að dýfa endanum niður í sjóðandi vatn þegar búið er að saga af stofninum er æðarnar í stofninum víkkaðar út og tréð á auðveldara með að taka til sín vatn. Þetta á sérstaklega við um íslenska rauðgrenið.

Gæta þarf þess að vera með hæfilega stóran jólatrésfót, sem samvarar stærð trésins, þannig að það standi örugglega þegar það er komið inn í stofu.

Skýringar má sjá á meðfylgjandi myndum.