Flottir taktar en full einsleitir textar Trausti Júlíusson skrifar 6. maí 2010 11:00 Besta lag Hesthússins er Sjúkur, sem er algjört dúndur. Tónlist *** Hesthúsið Diddi Fel Diddi Fel er búinn að vera í framvarðasveit íslenska rappsins í nokkur ár. Hann er einn af meðlimum ofursveitarinnar Forgotten Lores og hefur verið iðinn við kolann utan hennar líka. Diddi gaf út plötuna Hvernig rúllar þú? ásamt G. Maris árið 2007 hjá vefútgáfunni Coxbutter, en Hesthúsið er hans fyrsta sólóplata. Introbeats, félagi Didda úr F.L., á flesta takta á plötunni, en Diddi sér sjálfur um taktana í þremur lögum, Fonetik Simbol í fjórum og BRR í einu. Hesthúsið er hálfgerð þemaplata. Nafnið vísar í graðfola og textarnir fjalla flestir um djammið og stelpurnar. Diddi er flottur rappari með flæðið og tilþrifin í lagi og það er fullt af feitum töktum á plötunni, en maður væri alveg til í aðeins meira kjöt á beinin textalega séð. Það má alveg hafa gaman af þessum enskuskotnu djammtextum, en þeir halda ekki uppi heilli plötu. Viðlagið úr Let's go! er nokkuð nett: „Ég á "etta show/þó þú shake-ir soldið rassinn baby ert'ekki ho /Ég á 'etta flow/og ef þú ert a fíla Fel komdu Baby lets go". Það eru ekki eintómir djammtextar á plötunni, en heildin er of veik. Eins og áður segir eru nokkur mjög flott lög á Hesthúsinu. Ég nefni sem dæmi titillagið, Jordan rúls, Gefðu mér pöff, Yfirmenn, Let's go! og besta lag plötunnar Sjúkur sem er algjört dúndur. Á heildina litið má segja að þetta sé þokkalegasta plata. Vel þegin á meðan við bíðum eftir næstu Forgotten Lores plötu. Niðurstaða: Það er fullt af flottum töktum á Hesthúsinu og Diddi á fína spretti, en textalega mætti vera meira í hana lagt. Myndbandið við Sjúkur á YouTube, þar sem Steindi Jr. fer meðal annars á kostum. Mest lesið Boðaði vinkonurnar í bústað eftir að hafa upplifað Tinder á sterum Lífið Selena Gomez giftist Benny Blanco Lífið Ætla að syngja sig hás og dansa við Komdu um jólin Lífið samstarf Blondie verður stjarnan á RIFF um helgina Lífið Ellefu ára læðan Lúsí ein eftir í heimilisleit hjá Kattholti Lífið Fann ástina loksins þegar hann tók sér marga elskhuga Lífið Laddi 75 ára: Skapar nýja karaktera í lyftuspeglum Lífið Serumið sem snýr öldrun húðarinnar við Lífið samstarf Krakkatían: Lestrarkeppni, flugumferð og leiksýning Lífið Fögnuðu sögulegum 850 þúsund króna hátalara Ella Egils Lífið Fleiri fréttir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira
Tónlist *** Hesthúsið Diddi Fel Diddi Fel er búinn að vera í framvarðasveit íslenska rappsins í nokkur ár. Hann er einn af meðlimum ofursveitarinnar Forgotten Lores og hefur verið iðinn við kolann utan hennar líka. Diddi gaf út plötuna Hvernig rúllar þú? ásamt G. Maris árið 2007 hjá vefútgáfunni Coxbutter, en Hesthúsið er hans fyrsta sólóplata. Introbeats, félagi Didda úr F.L., á flesta takta á plötunni, en Diddi sér sjálfur um taktana í þremur lögum, Fonetik Simbol í fjórum og BRR í einu. Hesthúsið er hálfgerð þemaplata. Nafnið vísar í graðfola og textarnir fjalla flestir um djammið og stelpurnar. Diddi er flottur rappari með flæðið og tilþrifin í lagi og það er fullt af feitum töktum á plötunni, en maður væri alveg til í aðeins meira kjöt á beinin textalega séð. Það má alveg hafa gaman af þessum enskuskotnu djammtextum, en þeir halda ekki uppi heilli plötu. Viðlagið úr Let's go! er nokkuð nett: „Ég á "etta show/þó þú shake-ir soldið rassinn baby ert'ekki ho /Ég á 'etta flow/og ef þú ert a fíla Fel komdu Baby lets go". Það eru ekki eintómir djammtextar á plötunni, en heildin er of veik. Eins og áður segir eru nokkur mjög flott lög á Hesthúsinu. Ég nefni sem dæmi titillagið, Jordan rúls, Gefðu mér pöff, Yfirmenn, Let's go! og besta lag plötunnar Sjúkur sem er algjört dúndur. Á heildina litið má segja að þetta sé þokkalegasta plata. Vel þegin á meðan við bíðum eftir næstu Forgotten Lores plötu. Niðurstaða: Það er fullt af flottum töktum á Hesthúsinu og Diddi á fína spretti, en textalega mætti vera meira í hana lagt. Myndbandið við Sjúkur á YouTube, þar sem Steindi Jr. fer meðal annars á kostum.
Mest lesið Boðaði vinkonurnar í bústað eftir að hafa upplifað Tinder á sterum Lífið Selena Gomez giftist Benny Blanco Lífið Ætla að syngja sig hás og dansa við Komdu um jólin Lífið samstarf Blondie verður stjarnan á RIFF um helgina Lífið Ellefu ára læðan Lúsí ein eftir í heimilisleit hjá Kattholti Lífið Fann ástina loksins þegar hann tók sér marga elskhuga Lífið Laddi 75 ára: Skapar nýja karaktera í lyftuspeglum Lífið Serumið sem snýr öldrun húðarinnar við Lífið samstarf Krakkatían: Lestrarkeppni, flugumferð og leiksýning Lífið Fögnuðu sögulegum 850 þúsund króna hátalara Ella Egils Lífið Fleiri fréttir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira