Skattrannsóknarstjóri tjáir sig ekki um kyrrsetningu eigna

21. apríl 2010 12:07

Jón Ásgeir ásamt lögmanni. Myndin er úr safni.

Staðgengill Skattrannsóknarstjóra, Stefán Skjaldarson, segist ekki geta tjáð sig um kyrrsetningu á eignum auðmannsins Jóns Ásgeirs Jóhannessonar og Hannesar Smárasonar.

Það var Viðskiptablaðið sem sagði frá því að eignir Jóns Ásgeirs og Hannesar hefðu verið frystar en til þess þarf dómsúrskurð.

Í viðtali í kvöldfréttum Stöðvar 2 þann 9. apríl síðastliðinn sagði Stefán að tugir mála myndu fara þessa leið á næstu vikum. Miðað væri við að skattkrafan sem verði grundvöllur kyrrsetningarinnar nemi að lágmarki 50 milljónum króna.

Rannsókn skattayfirvalda gagnvart Hannesi og Jóni Ásgeiri beinist að FL Group, síðar Stoðir, út af sérkennilega háum rekstrarkostnaði.

Ekki hefur náðst í Jón Ásgeir né Hannes Smárason vegna málsins.

Tengdar fréttir

Krefst kyrrsetningar eigna tveggja auðmanna

Skattrannsóknarstjóri hefur krafist kyrrsetninga eigna tveggja auðmanna vegna ríflega hundrað milljóna króna skattakröfu á hendur þeim. Farið verður fram á tugi kyrrsetninga á næstu vikum, meðal annars á eignum útrásarvíkinganna. Skattrannsóknarstjóri segir bankareikninga hafa verið tæmda fyrir framan nefið á ríkinu.

9. apríl 2010 18:46

Eignir Jóns Ásgeirs og Hannesar Smárasonar kyrrsettar

Eignir Jóns Ásgeirs Jóhannessonar og Hannesar Smárasonar á Íslandi verða kyrrsettar í tengslum við rannsókn skattayfirvalda á þeim tveimur og

21. apríl 2010 00:01

Hvítflibbabrot grundvöllur kyrrsetninga eigna auðmanna

Skattrannsóknarstjóri hefur heimild til að kyrrsetja eigur sem hafa verið færðar yfir á maka auðmanna. Hann segir skattabrotin sem eru grundvöllur kyrrsetninganna séu í flestum tilvikum hvítflibbabrot í kringum sýndarviðskipti.

10. apríl 2010 12:21

Skattrannsóknarstjóri fær aukin fjárframlög

Auknu fjármagni verður veitt til embættis Skattrannsóknarstjóra á næstunni. Embættinu verður því gert kleift að bæta tuttugu manns í þann hóp sem rannsakar meint skattalagabrot. Þetta var á meðal þess sem var ákveðið á ríkisstjórnarfundi í morgun en þau Steingrímur J. Sigfússon fjármálaráðherra og Jóhanna Sigurðardóttir forsætisráðherra sátu fyrir svörum að fundi loknum.

13. apríl 2010 12:26

Hundruð milljóna horfnar

Hundruð milljóna króna hafa horfið út af reikningum Baldurs Guðnasonar, fyrrverandi forstjóra Eimskips, á síðustu misserum. Búið er að krefjast kyrrsetningar á eigum hans og Steingríms Péturssonar, viðskiptafélaga hans, en báðir sæta þeir skattrannsókn.

10. apríl 2010 18:48