Ég á sólina -borgiði

Fjörutíu og níu ára spænsk kona hefur slegið eign sinni á sólina og gengið frá öllum skjölum þar að lútandi. Hún hyggst rukka alla þá sem nota þessa eign hennar hvort sem er til ræktunar eða sólbaða. Angeles Duran segir að hún hafi í einu og öllu farið að lögum í þessu máli. Í alþjóðasáttmálum er klásúla um að ekkert ríki geti gert tilkall til til plánetu eða stjörnu. Þar er hinsvegar ekkert getið um einstaklinga.

Angeles segist ekki vera gráðug kona. Hún ætli því aðeins að halda sjálf eftir tíu prósentum af afnotagjaldinu sem hún fær fyrir sólina. Hún ætlar að gefa helming fjárins beint í spænska ríkiskassann. Tuttugu prósent munu fara til lífeyrissjóða landsins, tíu prósent til vísindarannsókna og tíu prósent til þess að útrýma hungri í heiminum.