Opinberum störfum fjölgaði um 5.000 á tíu árum

Sigmundur Ernir spurði hvar hefur opinberum störfum á vegum ríkisins, þar með talið hjá opinberum hlutafélögum, fjölgað mest á síðustu 10 árum, flokkað eftir kjördæmum?

Einnig vildi hann vita hvar hefur opinberum störfum á vegum ríkisins, þar með talið hjá opinberum hlutafélögum, fækkað mest á síðustu 10 árum, flokkað eftir kjördæmum?

Í svarinu segir að störfum á vegum ríkisins, þ.m.t. hjá opinberum hlutafélögum, hefur hlutfallslega fjölgað mest í Norðvesturkjördæmi síðustu 10 árin, en raunfjölgun stöðugilda er mest í Reykjavíkurkjördæmunum síðustu 10 árin.

Störfum á vegum ríkisins, þ.m.t. hjá opinberum hlutafélögum, hefur ekki fækkað í neinu kjördæmi landsins síðustu 10 árin.

Hafa verður í huga að fram til ársins 2006 var hluti heilbrigðisstofnana ríkisins með sjálfstæða launaafgreiðslu. Á árinu 2006 færa þessar heilbrigðisstofnanir launaafgreiðslu sína yfir til Fjársýslu ríkisins og hefur það í för með sér fjölgun stöðugilda í þeim gögnum sem fjármálaráðuneytið hefur aðgang að þó svo að ekki sé um fjölgun að ræða hjá ríkinu.