Starfsmenn Stálskipa voru tekjuhæstir

Meðallaun starfsmanna útgerðarfélagsins Stálskipa voru hæst allra fyrirtækja á Íslandi í fyrra. Eftir því sem fram kemur í nýju riti Frjálsrar verslunar, 300 stærstu, fengu starfsmenn fyrirtækisins að meðaltali 17,363 milljónir króna. Það þýðir að hver starfsmaður var með um 1,45 milljónir króna í laun á mánuði í fyrra.

Starfsmenn útgerðarfyrirtækisins Eskju voru með næst hæstu launin eða 16,565 milljónir króna yfir árið, eða 1,38 milljónir króna. Í þriðja sæti eru svo starfsmenn Farice sæstrengsins með 14,233 milljónir króna.

Um er að ræða meðallaun starfsmanna, en ekki er tekið fram hvernig launin dreifast milli starfsmanna fyrirtækisins.