Viðskipti innlent

Icesave-frétt vekur athygli

Frétt Stöðvar 2 um að Icesave samningur væri hugsanlega í sjónmáli, og að drög að honum hefðu verið kynnt stjórnarandstöðunni, hefur vakið athygli víða um heiminn.

Reuters vitnar í fréttina í ítarlegu skeyti en Bloomberg vitnar í Vísir.is um sama mál. Raunar er að finna örstutt viðtal í frétt Bloomberg við talsmann hollenska fjármálaráðuneytisins sem kannast ekki við að samningur sé framundan á næstu dögum.

ABC News, ein af hinum þremur stóru sjónvarpsfréttastöðvum Bandaríkjanna, greindi frá málinu um helgina. Raunar birtir ABC News skeyti Reuters í heild sinni á heimsíðunni. Þá var fjallað um málið í Jyllands Posten í gærdag og þar var vitnað í bæði Stöð 2 og Reuters.






Tengdar fréttir

Icesave-drög: 0-50 milljarðar á ríkið

Drög að meginatriðum nýs Icesave-samkomulags gera ráð fyrir að kostnaður sem lendi á ríkissjóði verði á bilinu 0-50 milljarðar króna. Drögin að helstu atriðum sem náðst hefur samkomulag um, eins og vaxtaprósentu, voru kynnt í stjórn Viðskiptaráðs Íslands og hafa verið kynnt forystumönnum Samtaka atvinnulífsins. Samninganefndir eru enn að störfum.

Greining: Lausn Icesave væru gríðarlega jákvæðar fréttir

Yrði það raunin að Icesave deilan leysist fyrir jól er ljóst að um gríðarlega jákvæðar fréttir er að ræða enda verður mikilli óvissu þá aflétt. Icesave málið hefur hangið yfir þjóðinni eins og Damóklesarsverð allt frá hruni með víðtækum afleiðingum á hinum margvíslegustu sviðum.

Drög að Icesave samkomulagi kynnt

Drög að nýju Icesave samkomulagi hafa verið kynnt þingflokkum stjórnarandstöðunnar. Samninganefndir Íslands, Bretlands og Hollands stefna að því að ljúka við gerð samnings sem allra fyrst.

Mikilvægt að Icesave samningar takist fljótlega

Forstjóri Eftirlitsstofnunar EFTA segir að íslensk stjórnvöld hafi ekki óskað eftir frekari frestun á að skila svari sínu vegna Icesave. Hann segir mikilvægt að samningar takist við Breta og Hollendinga fljótlega. Ef stjórnvöld nái hins vegar að sannfæra stofnunina um að mat hennar á greiðsluskyldu ríkisins sé rangt verði málið látið niður falla.



Mest lesið


Fleiri fréttir

Sjá meira


×

Mest lesið