Hagar ætla að áfrýja dómi Héraðsdóms Reykjavíkur

Hagar ætla að áfrýja dómi Héraðsdóms Reykjavíkur um að þeim beri að greiða 300 milljónir í stjórnvaldssekt.

Finnur Árnason, forstjóri Haga, segir það vera umhugsunarefni að sektarfjárhæðin skuli slaga hátt upp í þær stjórnvaldssektir sem olíufélögunum var gert að greiða vegna ólögmæts verðsamráðs. Hagar hafi selt mjólkurvörur undir kostnaðarverði sem viðbrögð við verðstríði sem samkeppnisaðili hóf og fór fram fyrir opnum tjöldum.

Finnur segir að Hagar muni við áfrýjun málsins krefjast þess að sektarákvörðunin verði felld úr gildi eða stjórnsýslusektin lækkuð verulega.