Mikill þrýstingur á fjármálaráðherra ESB í dag

15. febrúar 2010 09:10

Fjárfestar um allan heim munu fylgjast grannt með fundi fjármálaráðherra landanna innan evrusvæðis ESB í dag. Umræðuefnið er staðan í Grikklandi. Ráðherrarnir eru undir miklum þrýstingu að setja fram nákvæma áætlun um hvernig Grikkjum verði komið til bjargar.

Í frétt um málið á börsen.dk segir að í síðustu viku sögðu leiðtogar ESB að þeir myndu veita „ákveðna og samhæfða aðstoð" til Grikklands. Þetta telja fjárfestar ekki nóg og vilja sjá í hverju þessi aðstoð verður fólgin. Einnig vilja þeir vita hvort Spánn og Portúgal verði einnig með í björgunarpakkanum.

Sáttmálar ESB banna það að seðlabanki sambandsins veiti Grikklandi beinan stuðning og jafnframt bar evru-löndunum ekki að styðja hvert annað. Hinsvegar er krafist lausna á vandamálinu og ein af tillögunum sem til umræðu er að veita Grikkjum lánalínu sem þar sem allar evru-þjóðirnar leggi saman í púkkið.

Meðan á þessu stendur heldur lánakostnaður Grikklands áfram að aukast og gengi evrunnar heldur áfram að lækka gagnvart dollaranum. Í morgun var gengi evrunnar komið undir 1,36 gagnvart dollaranum.