Landsvirkjun stækkar útgáfu skuldabréfa um 6 milljarða

Milligönguaðili er sem fyrr Deutsche Bank og eru kaupendur erlendir fjárfestar. Annað er óbreytt, lánstími er fimm ár og bera skuldabréfin 6,5% fasta vexti.

Fjallað er um málið á vefsíðu Landsvirkjunnar. Þar segir Hörður Arnarson, forstjóri Landsvirkjunar stækkunina mjög jákvæða fyrir fyrirtækið.

„Þessi stækkun er mjög jákvæð fyrir Landsvirkjun og endurspeglar góðar viðtökur við fyrra útboði. Það er mjög jákvætt að fá fleiri fjárfesta að borðinu og ljóst að Landsvirkjun hefur tekist að byggja upp traust á fyrirtækinu sem sýnir sig í þessari umframeftirspurn", segir Hörður.

Landsvirkjun hefur nú aðgang að um 500 milljónum dollara til að mæta skuldbindingum næstu ára. Fyrirtækið er nú nálægt því að ljúka langtíma endurfjármögnun miðað við núverandi rekstur.