Ólafur ÓIafsson segist ekki hafa brotið lög

Ólafur Ólafsson, oft kenndur við Samskip, hefur sent frá sér yfirlýsingu vegna fréttaflutnings af kaupum Sheik Al-Thani á hlutabréfum í Kaupþingi.

Þar segir hann að aðkoma sín að kaupum Sheik Al-Thani í Kaupþingi hafi áður komið fram.

Hans hlutverk hafi verið að hjálpa til við að koma viðskiptunum á og vera milliliður í lánveitingunum. Hann segist ekki hafa átt hlut að hlutabréfakaupunum og það hafi aldrei staðið til að hann hefði fjárhagslegan ávinning af viðskiptunum.

Hann segist vera fullviss um að hann hafi engin lög brotið með aðkomu sinni að málinu og eigi ekki von á öðru en að vönduð rannsókn leiði hið rétta í ljós.