Þingnefnd kallar Landsbankamenn inn á teppið

Í tilkynningu frá Sjálfstæðisflokknum segir að Tryggvi Þór Herbertsson, alþingismaður og annar fulltrúa Sjálfstæðisflokksins í efnahags- og skattanefnd hefur óskað eftir fundi í nefndinni vegna vaxtaálagna á atvinnulíf.

Fór Tryggvi Þór fram á að fulltrúar Landsbankans yrðu kallaðir fyrir vegna fyrirætlana bankans um að hækka vaxtaálögur á sjávarútvegsfyrirtæki í 4% (úr 1,6-2%) á næstunni. Tryggvi Þór telur að þetta muni veikja stoðir enn fleiri fyrirtækja en orðið er og auka mjög áhættu í kerfinu.

Eftirfarandi menn hafa verið boðaðir á fundinn: Arnar Þór Másson frá fjármálaráðuneyti, Þorstein Þorsteinsson frá Bankasýslu ríkisins og frá Landsbankanum þeir Ásmundur Stefánsson bankastjóri, Árni Þór Þorbjörnsson framkvæmdastjóri fyrirtækjasviðs, Þórir Örn Ingólfsson forstöðumaður Áhættustýringar og Haukur Halldórsson, stjórnarformaður.