Steve Nash æfir ekki en ætlar að spila á morgun

Steve Nash er meiddur á mjöðm og mun ekkert æfa fyrir fyrsta leik Phoenix Suns og San Antonio Spurs á mánudaginn. Hvíldin ætti að gera hann kláran í slaginn fyrir leikinn.

„Þetta gengur betur. Ég er búinn að hvíla í tvo daga og ég er heppinn að við spilum ekki fyrr en á mánudaginn. Það gefur mér tíma til að ná mér," sagði Kanadamaðurinn.

Hinn 36 ára gamli leikstjórnandi meiddist í þriðja leiknum gegn Portland í fyrstu umferð úrslitakeppninnar. Alvin Gentry, hinn skelegggi þjálfari Suns, hefur engar áhyggjur.

„Ég væri ekki svona rólegur ef þetta væri eitthvað vandamál. Hann kom á æfingu, skaut aðeins og fékk svo meðferð vegna meiðslanna. Hann gerir það sama á næstu æfingum," sagði Gentry.