Útlán ÍLS minnka um helming milli mánaða

Fjallað er um málið í Morgunkorni greiningar Íslandsbanka. Þar segir að jafnframt eru útlán sjóðsins nú í apríl mun lægri en þau hafa að jafnaði verið síðasta árið, en sjóðurinn hefur að meðaltali lánað rúmlega 1,5 milljarða kr. á mánuði til íbúðarkaupa frá því í apríl á síðasta ári.

Meðalútlán almennra lána voru um 8,4 milljónir kr. í mánuðinum og eru 9% lægri en þau voru í mánuðinum á undan en 21% lægri en þau voru á sama tíma í fyrra. Til viðbótar við almenn útlán veitti sjóðurinn önnur útlán upp á 400 milljónir kr.

Námu heildarútlán sjóðsins því ríflega 1,2 milljörðum kr. í apríl og hafa í raun sjaldan verið lægri. Þetta kom fram í mánaðarskýrslu ÍLS sem birt var í gær.