Hotel D´Angleterre í hendur skilanefndar Landsbankans

Þetta kemur fram í tilkynningu um málið. Þar segir að eignirnar eru í meðferð innan bankans með það að leiðarljósi að hámarka endurheimtur.

Nýtt eignarhald innan NP Limited mun leiða til meiri skilvirkni. Hótelin í Danmörku verða rekin áfram og ekki eru áform um að selja þau með hraði, heldur bíða átekta eftir því að markaðsaðstæður batni og betra verð fáist fyrir þau. Sama gildir um þoturnar.

NP Limited er félag sem stofnað hefur verið utan um eignir Nordic Partners í Eystrasaltslöndunum og Póllandi. Afskiptum fyrri eigenda er því lokið að undanteknum Daumants Vitols forstjóra í Lettlandi, sem fyrir átti 11% hlut í Nordic Partners.

Nýtt félag var stofnað í gær utan um fasteignir og matvælafyrirtækin, Nordic Partners Limited. Háme á Tékklandi er ekki inni í yfirtökunni enda undir öðru félagi. Lettneskir fjárfestar munu stýra NP Limited og eiga 51 prósent en skilanefndin 49 prósent og hafa mann í stjórn.

Vonir eru bundnar við að lettneska stjórnendateymið leggi sig fram við að styrkja rekstur NP Limited og nái að auka verðmæti félagsins. Eignirnar eru einkum matvælafyrirtæki í Lettlandi og fasteignafyrirtæki. Markaðsaðstæður í Lettlandi eru mjög erfiðar og það er mat bankans að mestir möguleikar á endurheimtum felist í þeirri leið að láta heimamenn leiða uppbygginguna. Með því móti séu hagsmunir kröfuhafa best tryggðir.

Fyrir liggur að LBI hf mun líklega tapa umtalsverðum fjárhæðum vegna Nordic Partners eignanna. Þær hafa rýrnað í verði í hruninu eins og almennt hefur gerst. Sumar þeirra voru einnig keyptar á háu verði.

Hve tapið verður miklið á endanum er erfitt að meta núna, það kemur í raun ekki í ljós fyrr en að búið er að selja allar eignir og gera dæmið upp í lokin. Erfiðust er staðan í Lettlandi vegna aðstæðna á heimamarkaði og búast má við að það muni taka lengstan tíma að losa um eignirnar þar.

LBI hf. hefur lagt mjög miklu vinnu í endurskipulagningu á eignum Nordic Partners og telur að breytingarnar á eignarhaldi í Lettlandi sé stórt skref í rétta átt. Áfram verður í gangi skipulögð vinna á vegum bankans með virku eftirliti á eignunum og meðferð þeirra sem miðast að því að hámarka virði þeirra.