Vísitala framleiðsluverðs hækkaði um 1,9% í desember

Þetta kemur fram á vefsíðu Hagstofunnar. Þaar segir að vísitala framleiðsluverðs fyrir sjávarafurðir var 233,7 stig, sem er hækkun um 1,1% (vísitöluáhrif 0,3%) frá fyrri mánuði og vísitala fyrir stóriðju var 218,0 stig, hækkaði um 4,2% (1,5%). Vísitalan fyrir matvæli var óbreytt frá nóvember og vísitala fyrir annan iðnað hækkaði um 0,5% (0,1%).

Vísitala framleiðsluverðs fyrir vörur sem framleiddar voru og seldar innanlands lækkaði um 0,2% milli mánaða en vísitala fyrir útfluttar afurðir hækkaði um 2,6% (1,9%).

Miðað við desember 2008 hefur vísitala framleiðsluverðs hækkað um 5,4% en verðvísitala sjávarafurða um 0,5%. Á sama tíma hefur verð á afurðum stóriðju hækkað um 5,1% en matvælaverð hefur hækkað um 2,2%.