Sænsk kirkja tapaði 300 milljónum í kauphöllinni

19. janúar 2010 10:43

Bein tengsl við almættið er greinilega engin trygging fyrir árangri í kauphallarviðskiptum. Það mátti söfnuðurinn við Karlstad kirkju í Svíþjóð upplifa eftir að kirkjusjóðurinn var notaður í hlutabréfaviðskiptum. Árangurinn var að sjóðurinn tapaði rúmlega 300 milljónum kr.

Í frétt um málið á SVT Vårmlandsnytt segir að að hlutabréfin hafi verið keypt árið 2008 á rúmlega 800 milljónir kr. en þegar bréfin voru seld um síðustu áramót fengust aðeins 500 milljónir kr. fyrir þau.

Endurskoðandur kirkjusjóðsins hafa gert alvarlegar athugsemdir við þetta kauphallarstúss og segja að bæði hafi reglur verið brotnar og kaupunum hafi verið illa stjórnað. Þá hefur komið upp úr kafinu að einn af safnaðarmeðlimunum, sem hafði aðgang að sjóðnum, hafi staðið í þessu án þess að láta aðra vita.

Nils Jansson formaður safnaðarstjórnar kirkjunnar er miður sín yfir þessu máli. „Þetta er ekki gott en nú á tímum halda bara engin hlutabréf verðgildi sínu," segir Jansson. „Nú höfum við komið fjármálum okkar í hendur utanaðkomandi aðila. Það lítur ekki út yfir að okkar eigið fólk hafi hæfileika til þess að stjórna þeim."