Tölvumiðlun á 25 ára afmæli í dag

Tölvumiðlun fagnar 25 ára afmæli sínu í dag, 8. febrúar.

Í tilkynningu segir að Tölvumiðlun var stofnað árið 1985 og er eitt elsta hugbúnaðarfyrirtæki landsins. Fyrirtækið hefur vaxið og dafnað vel á þessum 25 árum þrátt fyrir mikla og harða samkeppni á upplýsingatæknimarkaði.

Tilgangur fyrirtækisins er þróun, sala og þjónusta mannauðslausnir s.s launakerfi, greiningarkerfi og mannauðsupplýsingakerfi fyrir fyrirtæki, stofnanir og sveitarfélög.

Árið 1987 keypti Tölvumiðlun fyrirtækið Huga hf. og viðskiptasambönd þess. Helsta söluvara Huga hf. var launakerfi og þjónustusamningar því tengdu. Þróun launakerfisins skilaði mjög góðum árangri og árið 1990 gerði Tölvumiðlun samning við 24 sjúkrahús um nýja gerð launakerfis sem síðar varð að útbreiddasta launakerfi landsins, H-laun.

Helstu viðfangsefni Tölvumiðlunar eru á sviði launavinnslu og mannauðsmála eins og áður segir en þekktustu afurðir félagsins eru H-Laun launakerfið og H3 sem er stöðluð heildarlausn í mannauðsmálum sem flest af stærstu fyrirtækjum landsins nota við launaútreikninga. Tölvumiðlun annast einnig sérsmíði hugbúnaðar fyrir fyrirtæki og stofnanir, auk þess að annast rekstur tölvukerfa, neta og vinnustöðva fyrir ýmsa aðila með rekstrarþjónustu.

Flest sveitarfélög landsins nota SFS Fjárhagskerfi Tölvumiðlunar sem sérsniðið er að þörfum þeirra. Félagið er sölu- og þjónustuaðili á myndgreiningarkerfum frá Carestream sem notað er á röntgendeildum stærstu sjúkrahúsa landsins.

Framtíðin er björt hjá Tölvumiðlun þar sem tækninni fleytir fram og sífellt verða til nýjungar sem nýtast landi og þjóð á tímum sem þessum, að því er segir í tilkynningunni.