Ólafur Ísleifsson formaður stjórnar ISB Holding

Ólafur Ísleifsson, lektor við viðskiptadeild HR, hefur verið skipaður formaður stjórnar ISB Holding, eignarhaldsfélags Íslandsbanka.

Ólafur Ísleifsson segir að hann hafi hingað til setið í stjórn Íslandsbanka og óhætt að segja að fyrsta starfsár bankans eftir hrun hafi gengið vel.

„Bankinn hefur á að skipa fjölda af mjög hæfileikaríku fólki og því er ástæða til að horfa bjartsýnum augum á framtíð hans," segir Ólafur.

Auk Ólafs voru þau María Björg Ágústsdóttir og Ásta Þórarinsdóttir skipuð stjórnarmenn eignarhaldsfélagsins. María Björg er fulltrúi skilanefndarinnar í stjórninni.

Ólafur segir að fyrsta verkefni nýrrar stjórnar ISB Holding verði að tilnefna nýja bankastjórn Íslandsbanka. Hann á von á að gengið verði frá því máli í næstu viku.