Button hefur ekki áhyggjur af stigastöðunni

Jenson Button, heimsmeistarainn í Formúlu 1 hefur ekki áhyggjur af því þó hann sé búinn að missa af forystunni í heimsmeistaraamótinu í Formúlu 1. Hann var kominn með forystu eftir tvo sigra, en Mark Webber hefur tekið við því hlutverki að leiða meistaramótið ásamt Sebastian Vettel. "Við vitum að tímabilið er langt og 19 mót á dagskrá. Það er of snemmt að hafa áhyggur af stigamótinu, fyrr en undir lok tímabilsins", sagði Button á vefsíðu sinni samkvæmt frétt á autosport.com. Stigagjöfinni hefur verið breytt þannig að fyrir sigur fást 25 stig, annað sætið 18, þriðja 15 og svo 12 stig fyrir fjórða sæti, 10 fyrir fimmta og svo færri stig fyrir næstur sæti sem á eftir koma. Staðan breytist þvi ört milli móta, ef menn ná ekki tilætluðum árangri. "Maður tapar miklu af stigum ef maður lýkur ekki keppni og lítur verr út, en það er í raun þegar einhver nælir í 18 til 25 stig. Ég býst ekki við því að nokkur hafi búist við því að meistarakandídatinn fengi hundruði stiga, sem sýnir betur raunstöðu ökumanna", sagði Button. Button féll úr leik í Mónakó vegna bilunnar í McLaren bílnum um síðustu helgi. "Það er eitt sem hefur ekki breyst og það er að menn verða að sína stöðugleika og áreiðanleiki bíls er mikilvægur. Bæði ég og Lewis höfum fallið úr leik í einu móti og liðið þarf að gæta þess að það gerist ekki aftur. Það hafa öll toppliðin gert mistök á árinu og smá mistök geta verið dýrkeypt. Ef menn ætla að berjast um titilinn þarf að safna stigum og jafnvel þegar illa gengur er nauðsynlegt að næla í stig. Ég hef lært erfiða lexíu í tveimur síðustu mótum, en kem til með að nýta mér reynsluna", sagði Button.