Landbúnaðarsjóðir fitna umtalsvert í kreppunni

Þetta kemur fram í svari sjávarútvegs- og landbúnaðarráðherra á alþingi við fyrirspurn frá Sigurði Inga Jóhannssyni þingmanni Framsóknarflokksins. Sigurður Ingi spurði m.a. um ráðstöfnunarfé þessarar sjóða árin 2007, 2008, 2009 og hversu mikið er áætlað að þeir hafi 2010.

Sjóðir þeir sem hér um ræðir eru Fóðursjóður, Búnaðarsjóður, Garðávaxtasjóður og Verðmiðlun landbúnaðarvara. Fram kemur að ráðstöfunarfé Fóðursjóðs verði 1,4 milljarða kr. í ár en það nam 115 milljónum kr. í fyrra. Verðmiðlun landbúnaðarvara fer úr 0 kr. í fyrra og upp í 405 milljónir kr. í ár.

Fóðursjóður er m.a. notaður til að endurgreiða innflytjendum á fóðri tolla sem þeir greiða til ríkissjóðs. Þennan sjóð átti að leggja niður í frumvarpi til fjárlaga fyrir árið 2008. Það gekk ekki eftir.

Verðmiðlun landbúnaðarvara er notuð til að endurgreiða lögaðilum, það er afurðastöðvum, í landbúnaði ýmis gjöld sem þeir greiða til ríkissjóðs.

Sigurður Ingi spurði hvort það kæmi til greina að mati ráðherra að leggja þessa sjóði niður? Ráðherra segir að engin áform séu uppi um breytingar á núverandi fyrirkomulagi.