Eiríkur Önundarson: Erum í algjörum skítamálum

„Þetta er mjög svekkjandi. Ég er ekki alveg viss hvað gerðist," sagði Eiríkur Önundarson, leikmaður ÍR, eftir að liðið tapaði fyrir Snæfelli á heimavelli sínum í kvöld.

„Það fór allt á móti okkur og mér fannst við ekki vera að fá dóma sem við hefðum átt að fá. En það er eins og gengur og gerist í þessu."

ÍR hefur aðeins hlotið tvö stig í deildinni og vermir fallsæti.

„Þegar lið er búið að tapa mikið af leikjum er það oft þetta sem vantar. Hafa kjarkinn og þorið til að klára leikina. Við höfðum klárlega tækifærið í kvöld. Við erum í algjörum skítamálum en það þarf einn sigurleik til að koma þessu í gang."