Færeyingar skráðir í Noregi

Gengi hlutabréfa færeyska fiskeldisfélagsins Bakkafrosts endaði í 33,8 norskum krónum á hlut í norsku kauphöllinni á föstudag. Þetta var fyrsti viðskiptadagur með bréfin og hækkaði gengi þeirra um níu prósent frá útboði.

Föroya Bank átti 33,7 prósent í Bakkafrosti og hagnaðist um 380 milljónir danskra króna á viðskiptunum. Það jafngildir níu milljörðum íslenskra króna.

Ekki liggur fyrir hversu margar frumskráningar hafa verið á norska markaðnum frá áramótum. Fyrsta skráningin í norrænu kauphallarsamstæðunni Nasdaq OMX var í Svíþjóð á miðvikudag. - jab