Gjaldeyrisforði Seðlabankans stendur í 490 milljörðum

Gjaldeyrisforði Seðlabanka Íslands stóð í rúmum 490 milljörðum kr. í desember s.l. Hafði forðinn aukist um rúma 87 milljarða kr. frá nóvember.

Þetta kemur fram í hagtölum Seðlabankans. Fram kemur að nettóstaðan á gjaldeyrisforðanum, þegar tekið er tillit til lánasafnsins að baki honum, er 363 milljarðar kr. Þetta er aukning upp á 84,5 milljarða kr. milli fyrrgreindra mánaða. Nettóstaðan nam 299,5 milljörðum kr. í nóvember.

Þá kemur fram að grunnfé Seðlabankans hafði aukist um 36,5 milljarða kr. milli þessara mánaða og var komið í rúmlega 121 milljarð kr. í desember.