Innlent

Gamli söluturninn fluttur aftur á Lækjatorg

Jón Hákon Halldórsson skrifar
Turninn fer aftur upp á Lækjartorgi.
Turninn fer aftur upp á Lækjartorgi.
Borgarráð samþykkti á fundi sínum í morgun flutning gamla söluturnsins sem nú stendur í Mæðragarðinum aftur á Lækjartorg þar sem hann mun lífga upp á ásýnd miðborgarinnar. Á meðfylgjandi mynd má sjá hvar turninum verður komið fyrir á torginu og er staðsetningin samkvæmt gildandi skipulagi. ,,Ég fagna því að turninn sé kominn á sinn gamla stað. Hann er til prýði á torginu og mun örugglega vekja upp minningar í hugum margra borgarbúa." segir Jón Gnarr borgarstjóri í tilkynningu frá borginni.

Þá samþykkti borgarráð á fundi sínum í morgun að Hafnarstræti verði tímabundið lokað fyrir bílaumferð og helgað gangandi og hjólandi vegfarendum. Beiðni barst frá verslunar- og þjónustuaðilum við götuna þar sem þeir óskuðu eftir því að gatan yrði gerð að göngugötu til 15. september og hafa þeir fengið leyfi til þess að skapa skemmtilega útistemmningu í götunni. Lokunin nær frá gatnamótum við Pósthússtræti og að gatnamótum við Tryggvagötu.


Tengdar fréttir

Söluturn kemur í staðinn fyrir grasker á Lækjartorgi

Nú þegar að Besti flokkurinn hefur látið fjarlægja graskerið á Lækjartorgi, eins og Jón Gnarr borgarstjóri lofaði nokkrum mínútum eftir að hann settist í stól borgarstjóra, ætlar flokkurinn að koma söluturninum sem er í Mæðragarðinum fyrir á Lækjartorgi. Heiða Kristín Helgadóttir, aðstoðarkona borgarstjóra, segir að söluturninn hafi verið þar áður en hann var færður í Mæðragarðinn fyrir mörgum árum.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið