Færeyingar framlengja lán

Færeyska olíuleitarfélagið Atlantic Petroleum hefur framlengt brúarlán sem var á gjalddaga í lok júlí og desember um eitt ár.

Ekki liggur fyrir um endanlegan gjalddaga á lánunum en það ræðst af því hvort fyrirtækinu takist að endurfjármagna sig þar til gjalddaginn rennur upp eða gefa út nýtt hlutafé.

Haft er eftir Wilhelm Petersen, forstjóra félagsins, í tilkynningu að hann sé ánægður með áfangann enda geri hann fyrirtækinu kleift að halda áfram leit sinni að olíu- og jarðgasi.