AGS: Stýrivextir eiga að vera óbreyttir

Seðlabankinn ætti að hafa stuðning við krónuna að leiðarljósi þegar kemur að stýrivaxtaákvörðun klukkan níu í dag. Þetta segir Franek Rozwadowski talsmaður Alþjóðagjaldeyrissjóðsins á Íslandi í viðtali við Bloomberg fréttaveituna. Hann segir að tilmæli sjóðsins séu þau að nota eigi gengi krónunnar til þess að halda verðbólgunni niðri. Þetta túlkar Bloomberg á þann veg að stýrivextir eigi að vera óbreyttir að mati AGS.

„Það á að hafa gengi gjaldmiðilsins í huga þegar kemur að peningastefnunni og vaxtastefnan er ekki undanskilin þar, segir Rozwadowski. Vaxtaákvörðun bankans verður tilkynnt klukkan níu en síðar í dag mun peningastefnunefnd færa rök fyrir ákvörðuninni.